தட்டை பயிறு சுண்டல் -(THATTAI PAYARU SUNDAL SEIMURAI IN TAMIL)

தேவையான பொருட்கள்

காராமணி - 1 கப்
தண்ணீர்
உப்பு
வெங்காயம் - 1
பச்சை மிளகாய் - 1
துருவிய தேங்காய்
எண்ணெய் - 2 தேக்கரண்டி
உளுத்தம் பருப்பு - 1/2 தேக்கரண்டி
கடுகு - 1/2 தேக்கரண்டி
சீரகம் - 1/2 தேக்கரண்டி
சிவப்பு மிளகாய் - 2
பெருங்காயத்தூள் - ஒரு சிட்டிகை
கறிவேப்பிலை

காராமணிசுண்டல் செய்முறை

1. காராமணி சுண்டல் செய்ய ஒரு பாத்திரத்தில் காராமணியை எடுத்து அதில் தண்ணீர் சேர்த்து மூன்று மணி நேரம் ஊறவைக்கவும்.

2. மூன்று மணி நேரம் கழித்து ஊறவைத்த காராமணியை குக்கரில் சேர்த்து அதனுடன் தேவையான அளவு உப்பு சேர்த்து வேகவைக்கவும்.

3. அடுத்து ஒரு கடாயில் சிறிதளவு எண்ணெய் ஊற்றி சூடேற்றிய பின்பு அதில் உளுத்தம் பருப்பு, சீரகம், கடுகு, காய்ந்த சிவப்பு மிளகாய், பெருங்காயத்தூள், கறிவேப்பிலை ,பொடியாக நறுக்கிய வெங்காயம் சேர்த்து, வெங்காயம் நிறம் மாறும் வரை வதக்கவும்.

4. வெங்காயம் இளர் பொன்னிறமானவுடன் பொடியாக நறுக்கிய பச்சை மிளகாய், வேகவைத்த காராமணி, தேவையான அளவு உப்பு, துருவிய தேங்காய் சேர்த்து நன்கு கிளறவும்.

5. சுவையான மற்றும் எளிமையான காராமணி சுண்டல் தயார்

கேரமல்பிரட்புட்டிங்-(CARAMEL BREAD PUDDING SEIMURAI IN TAMIL)

தேவையான பொருட்கள்

சர்க்கரை - 1/2 கப்
பிரட் - 6 துண்டுகள்
கஸ்டர்டு தூள் - 2 மேசைக்கரண்டி
வெனிலா எசென்ஸ் - ½ தேக்கரண்டி
தண்ணீர் - 1/2 கப்
பால் - 1 1/2 கப்
சர்க்கரை - 1/2 கப்

கேரமல்பிரட்புட்டிங் செய்முறை:

1. கேரமல் பிரட் புட்டிங் செய்வதற்கு சர்க்கரை பாகு செய்ய வேண்டும் அதற்க்கு ஒரு பாத்திரத்தில் சர்க்கரை சேர்த்து பாகு நிலை வரும் வரை காய்ச்சவும்.

2. சர்க்கரை பாகை ஒரு பாத்திரத்தில் ஊற்றி பரப்பி வைக்கவும்.

3. அடுத்து ஒரு கிண்ணத்தில் கஸ்டர்ட் தூள் மற்றும் பால் சேர்த்து கரைத்துக்கொள்ளவும்.

4. அடுத்து பிரட் துண்டுகளை எடுத்து அதன் ஓரங்களை வெட்டி சிறு சிறு துண்டுகளாக பிய்த்து மிக்ஸியில் சேர்த்து தூளாக அரைத்துக்கொள்ளவும்.

5. இந்த பிரட் தூளை சூடான பாலில் சேர்த்து கரைக்கவும்.

6. இந்த கலவையில் வெனிலா எசென்ஸ், பாலில் கரைத்த கஸ்டர்ட் தூள், சர்க்கரை சேர்த்து கரைக்கவும்.

7. இந்த கலவையவையை சர்க்கரை ஊற்றி வைத்த பாத்திரத்தில் ஊற்றி பரப்பி விட்டு அந்த பாத்திரத்திற் பாயல் பேப்பரை வைத்து மூடி வைக்கவும்.

8. ஒரு பாத்திரத்தில் தண்ணீர் சுற்றி இந்த கேக் பாத்திரத்தை வைத்து முப்பது நிமிடம் வேகவைக்கவும்.

9. முப்பது நிமிடம் கழித்து அந்த பாத்திரத்தை எடுத்து நான்கு மணி நேரம் பிரிட்ஜ்-ல் வைத்து குளிர்விக்கவும்.

10. நான்கு மணி நேரம் கழித்து கேரமல் பிரட் புட்டிங் தயார்

பீட்ரூட்ஹல்வா-(BEETROOT HALWA SEIMURAI IN TAMIL)

தேவையான பொருட்கள்

பீட்ரூட் - 3
பால் - 2 கப்
கோவா - 3 தேக்கரண்டி
சர்க்கரை - 1/2 கப்
ஏலக்காய் தூள் - 1/2 தேக்கரண்டி
முந்திரி பருப்பு
நெய்


செய்முறை

1. பீட்ரூட் ஹல்வா செய்வதற்கு ஒரு கடாயில் நெய் ஊற்றி சூடேற்றிய பின்பு அதில் துருவிய பீட்ரூட் சேர்த்து நன்கு வதக்கி கடாயை மூடி பத்து நிமிடம் வேகவைக்கவும்.

2. பத்து நிமிடம் கழித்து வேகவைத்த பீட்ரூட்டில் பால் மற்றும் இனிப்பில்லாத கோவா சேர்த்து நன்கு கலந்து பதினைந்து நிமிடம் மிதமான தீயில் வதக்கவும்.

3. பதினைந்து நிமிடம் கழித்து இதில் சர்க்கரை மற்றும் ஏலக்காய் தூள் சேர்த்து பால் வற்றும் வரை கிளறவும்.

4. இறுதியாக இதில் நெய் மற்றும் நெயில் வறுத்த முந்திரி பருப்புகளை சேர்த்து ஹல்வா பதம் வரும் குறைவான தீயில் கிளறவும்.

5. சுவையான பீட்ரூட்ஹல்வா  தயார்.

எலுமிச்சை சேமியா-(LEMON SEMIYA)

எலுமிச்சை சேமியா செய்ய

நீளமான சேமியா - 50 கிராம்
எண்ணெய் - 1 மேசைக்கரண்டி
உளுத்தம் பருப்பு - 1/2 தேக்கரண்டி
கடலை பருப்பு - 1 தேக்கரண்டி
கடுகு - 1/2 தேக்கரண்டி
காய்ந்த சிவப்பு மிளகாய் - 2
வேர்கடலை
பெருங்காயத்தூள்
கறிவேப்பிலை
மஞ்சள் தூள் - 1/4 தேக்கரண்டி
உப்பு
நறுக்கிய இஞ்சி - 1 தேக்கரண்டி
பச்சை மிளகாய் - 2
1 பழம் - லெமன் சாறு
கொத்துமல்லி தழை


எலுமிச்சை சேமியா செய்முறை:

1. எலுமிச்சை சேமியா செய்ய ஒரு பாத்திரத்தில் தண்ணீர் ஊற்றி கொதிக்கவிடவும். தண்ணீர் கொதிநிலையை அடைந்தவுடன் சேமியாவை சேர்த்து அதில் தேவையான அளவு உப்பு சேர்த்து வேகவைக்கவும்.

2. சேமியா ஒன்றுடன் ஒன்று ஒட்டாமல் இருப்பதற்கு அதில் சிறிதளவு எண்ணெய் சேர்த்து வடிக்கட்டி எடுத்து வைக்கவும்.

3. அடுத்து ஒரு கடாயில் சிறிதளவு எண்ணெய் ஊற்றி சூடேற்றிய பின்பு அதில் உளுத்தம் பருப்பு, கடலை பருப்பு, கடுகு, காய்ந்த சிவப்பு மிளகாய், வேர்க்கடலை, பெருங்காயதூள், கறிவேப்பிலை சேர்த்து நன்கு கலக்கவும்.

4. சிறிது நேரம் கலந்தவுடன் இதனுடன் மஞ்சள் தூள், தேவையான அளவு உப்பு, பொடியாக நறுக்கிய இஞ்சி, பொடியாக நறுக்கிய பச்சை மிளகாய் சேர்த்து மிதமான தீயில் சிறிது நேரம் வதக்கவும்.

5. இந்த வதக்கியவற்றில் வேகவைத்த சேமியா மற்றும் எலுமிச்சை சாறு சேர்த்து நன்கு கிளறவும்.

6. எலுமிச்சை சேமியா தயார் . 

பேரீச்சை-(DATES USES IN TAMIL)

அவசியம் உண்ண வேண்டிய அத்தியாவசிய சத்து நிறைந்த கனியென்றால் அது பேரீச்சை என்று சொல்லி விடலாம். அந்த அளவுக்கு வைட்டமின்கள், தாதுக்கள் மற்றும் சத்துப்பொருட்கள் இதில் நிறைந்துள்ளன. சீரான உடல் வளர்ச்சிக்கும், நலமாக இருப்பதற்கும் ஒவ்வொருவரும் பேரீச்சையை அவசியம் சாப்பிட வேண்டும்.

எளிதாக ஜீரணமாகும் சதைப்பகுதி மற்றும் ஒற்றைச் சர்க்கரைகள் நிறைந்தது பேரீச்சை. உண்டதும் புத்துணர்ச்சியும், சக்தியும் உடலுக்கு கிடைக்கிறது. அதனால் தான் விரதத்தை நிறைவு செய்பவர்கள் பேரீச்சைப் பழம் எடுத்துக் கொள்கிறார்கள். பேரீச்சை, எளிதில் ஜீரணமாகும் நார்ச்சத்து கொண்டது. குடற்பகுதியில் இருந்து, கெட்ட கொழுப்புகளை உறிஞ்சி அகற்றும் ஆற்றல் பேரீச்சைக்கு உண்டு.

பெருங்குடற் பகுதியில் புற்றுநோயை உருவாக்கும் ரசாயனங்களை நீக்குவதிலும் பேரீச்சை பங்கெடுக்கிறது. டேனின்ஸ் எனும் நோய் எதிர்ப்பொருள் பேரீச்சையில் உள்ளது. நோய்த் தொற்று, ரத்தம் வெளியேறுதல், உடல் உஷ்ணமாதல் ஆகியவற்றுக்கு எதிராக செயல்படக்கூடியது டேனின்ஸ். வைட்டமின் ஏ, பேரீச்சையில் ஏராளமான அளவில் உள்ளது. இது கண் பார்வைக்கும்,குடல் ஆரோக்கியத்திற்கும், சருமத்திற்கும் அவசியமானது.

சிறந்த நோய் எதிர்ப்பொருள்களான லுடின்,ஸி-சாந்தின் மற்றும் பீட்டா கரோட்டின் நிறைந்துள்ளது. இவை உடற்செல்களை காப்பதோடு, தீங்கு விளைவிக்கும் பிரீ-ரேடிக்கல்களை விரட்டுவதிலும் பங்கெடுக்கிறது. குடல், தொண்டை, மார்பகம், நுரையீரல், இரப்பை ஆகிய உறுப்புகளைத் தாக்கும் புற்றுநோய்களுக்கு எதிராக செயல்படக் கூடியது.

பேரீச்சை இரும்புச் சத்தை ஏராளமாக அள்ளி வழங்கும். 100 கிராம் பேரீச்சையில் 0.90 மில்லிகிராம் இரும்பு உள்ளது. இரும்புத் தாது, ரத்தத்திற்கு சிவப்பு நிறம் வழங்கும் ஹிமோகுளோபின் உருவாக்கத்தில் பங்கு வகிப்பதாகும். இது ரத்தம் ஆக்சிஜனை சுமந்து செல்லும் அளவை தீர்மானிப்பதிலும் பங்கெடுக்கிறது.

பொட்டாசியம் தாது குறிப்பிட்ட அளவில் உள்ளது. உடலுக்குத் தேவையான மின்னாற்றலை வழங்கும் தாதுவாக பயன்படுகிறது. உடற்செல்களும்,உடலும் வளவளப்புடன் இருக்கவும் பொட்டாசியம் அவசியம். இதயத்துடிப்பு மற்றும் ரத்த அழுத்தம் ஆகியவற்றை கட்டுப்படுத்துவதிலும் பங்கு வகிக்கிறது. பக்கவாதம், இதய வியாதிகள் ஏற்படாமலும் காக்கிறது.

கால்சியம், மாங்கனீசு, தாமிரம், மக்னீசியம் போன்ற அத்தியாவசிய தாதுக்களும் உள்ளது. கால்சியம் எலும்புகள் மற்றும் பற்களின் பலத்திற்கு அவசியம். நாடித் துடிப்பை சீராக்குதல் மற்றும் ரத்தக் கட்டி ஏற்படுவதைதடுத்தல் ஆகியவற்றிலும் பங்கு வகிக்கிறது. ரத்த சிவப்பனுக்கள் உற்பத்தியில் தாமிரம் பங்கு வகிக்கிறது. மக்னீசியம் எலும்புகளின் வளர்ச்சிக்கு உதவுகிறது. பி-காம்ப்ளக்ஸ் வைட்டமின்கள் பேரீச்சம் பழத்தில் மிகுந்துள்ளது.